Addu'ar samun miji na gari, Addu'a domin neman mijin Aure

Wacce take son Allah ya bata miji na gari,ko take son Aure to ga Abunda ya kamata ta yi.  TAMBAYA Assalamu Alaikum warahmatullah malam don A...

Wacce take son Allah ya bata miji na gari,ko take son Aure to ga Abunda ya kamata ta yi.

 TAMBAYA

Assalamu Alaikum warahmatullah malam don Allah ina Neman fatawane

Watace take Neman miji kasancewar duk masu zuwa wurinta ba dagaske suke yi ba toh shi ne ta nemi taimako wurin malamin zaure yake bata rubutu tana sha daniyyar Allah ya sa ta dace. Toh malam abin tambaya anan shi ne shin menene makomar abin da ta aikata? shin malam tayi shirka ne ko kuwa tayi ba daidai ba? nagode.

AMSA

   Dafarko gameda shan rubutu muddin ayan QUR'ANI ne tsantsa babu wasu zane zanen hatimi, to ya halatta yadda IBN TAIMIYYA ya tabbatar a MAJMU'UL FATAWA, haka ma WAHEED ABDUSSALAM BAALY ya tabbar da hakan a SARIMUL BATTAR,

   Amma in akasin haka ne haramun ne don yakan zama shirka ne da surkulle,

   Fadin cewa Malamin zaure ne na gargajiya to galibi irin na shirkan sukeyi, don haka ki tuba tsakanin ki da ALLAH da alkawarin bazaki sake zuwa wurin su ba don kare addinin ki da mutuncin ki,

   Don samun biyan bukatun ki sai kizage da addu'a da kiyamullaili da azumi da istigfari, kuma kina iya lazimtar wannan addu'ar domin shi ANNABI MUSA yayi ya sami aikin yi da matar aure a ranar, ga addu'ar

رب إني لما أنزلت إلي من خير فقير

"Rabbi inni limaa anzalta ilaiya min khairin faqeer"

ALLAH yayafe mana kuma yabaki miji nagari,

ALLAHU A'ALAM.

Amsawa✍

Sheikh Abubakar BN Mustafa Biu